मधेसी मोर्चाद्वारा वीरगन्जमा औषधिको गाडीमा आगजनी

४ मंसिर, वीरगन्ज । मधेसी मोर्चाका कार्यकर्ताले वीरगन्जमा औषधि लोड गरेर राखिएको गाडीमा आगजनी गरेका छन । संयुक्त लोकतान्त्रिक मधेसी मोर्चाले औषधि भित्र्याउन दिने निर्णय गरेकै राति औषधि लोड गरिएको गाडीमा आगजनी भएको हो । बिहीबार राति एक बजे तिर ओम आश्रम छेउको गोदामबाट लोड गरी जनपुरको नबिनम मेडिकल हलमा लैजानका लागि लोडगरिएको ना २ ख ८२९२ नम्बरको ट्रकमा पेट्रोल छर्किएर आगजनी गरिएको हो । उक्त ट्रकमा अति आवश्यक औषधि भनेर व्यानर लेखिएको थियो । आगजनीबाट गाडीमा रहेको २० लाख मूल्य बराबरको अाैषधि नष्ट भएको प्रहरीले जनाएको छ । औषधि बोकेको गाडीलाई प्रहरीको स्कटिङमा शुक्रबार बिहान ११ बजेपछि जनकपुर लैजाने तयारी गरिएको थियो ।