भरतीय पक्षद्वारा ४८ घण्टाका लागि नाका सिल

वीरगञ्ज–नेपाल–भारतवीच पर्ने वीरगंज रक्सौल नाका शनिबारबाट ४८ घण्टाका लागि सिल गरिएको छ । भारतको बिहारमा जारी विधानसभा निर्वाचन आन्तरगत चौथो चरणको मतदानलाई मध्य नजर गर्दै भारतीय प्रहरी तथा नेपाल प्रहरीले नाका सिल गरेका छन् । भारत विहार राज्यको मोतिहारी, मुजफ्रपुर,सितामढी,बेतिया र बगहा लगायत ४९ सिटकालागि आज (आइतबार) मतदान हुदैं छ । मतदान सम्पन्न भएपछि भोली सोमबार बिहानै देखी नेपाल–भारत वीच पर्ने वीरगंज रक्सौल सिमालाई सुचारु गरीने भारतीय सुरक्षाकर्मीहरुले बताए । रक्सौल नाका सिल भएपछि पैदल यात्रुलाई समेत रोक लगाउनुको साथै सिमाक्षेत्रको सुरक्षा व्यवस्थालाई अत्यन्तै कडा पारिएको छ । बिहारमा हुन लागिएको चौथो चरणको मतदानकालागि बारा, पर्सा, रौतहट, सर्लाही, नवलपरासी जिल्ला संग जोडिएको भारतीय सम्पुर्ण नाकालाई समेत ४८ घण्टाका लागि सिल गरिएकोे छ । मधेशी मोर्चा विगत ३८ दिन देखी दशगजा क्षेत्रमा रहेको मितेरी पुलमा धर्ना बस्दै आए पनि नेपाल–भारत वीच पर्ने वीरगंज रक्सौल नाका सिल भएपछि धर्ना स्थल नै सुनसान भएको छ । मधेशी मोर्चाका स्थानिय नेता शिव पटेलले आज विहारमा मतदान भएका कारण नेपाल प्रहरीले आउजाउमा रोक लगाएपछि धर्ना स्थल सम्म पुग्न नसेकाका कारणले धर्ना स्थल खाली रहेको छ ।