दसैंअघि तातोपानी नाका नखुल्ने

२३ असोज, सिन्धुपाल्चोक । नेपालको संविधानप्रति आपत्ति जनाउँदै छिमेकी मुलुक भारतले अघोषित नाकाबन्दी लगाइरहेका बेला अर्को छिमेकी चीनसमेत अवरुद्ध नाका सञ्चालनमा अनिच्छुक देखिएको छ । गत १२ वैशाखमा गएको भूकम्पपछि अवरुद्ध तातोपानी नाका सञ्चालन गर्न चीन अनिच्छुक देखिएको राजधानीमा खबर छ । चिनियाँ पक्षले तातोपानी नाका सञ्चालन गर्ने लगायका विषयमा छलफल गर्न तय गरिएको २३ असोजको सीमा सुरक्षा बैठकसमेत एकाएक रद्द भएको छ । बेइजिङबाट बोलावट भएको भन्दै सो बैठक रद्द गरिएको हो । सीमा सुरक्षा बैठक रद्द गरेसँगै दसैंअगाडि तातोपनी नाका सञ्चालनमा आउने आशा समाप्त भएको छ ।