Saturday, November 28, 2015

ठोरीबाट भाँडाभरी तेल (फाेटाेफिचर)

ठोरीबाट भाँडाभरी तेल (फाेटाेफिचर)
चितवन–पर्सा जिल्लामा पर्ने ठोरी पुग्न चितवन हुँदै लगभग ८५ किलो मिटर सडक यात्रा गनु पर्छ। ठोरी भरतपुर सडकमा भारतसँग जोडिएको ठोरी पुगेपछि डिजेल, पेट्रोल र खाना पकाउन प्रयोग हुने एलपी ग्यासको भरीको सिलिन्डर पाउने लगभग पक्का हुन्छ। त्यसैले भरतपुर हुँदै ठोरी जाने आउने गाडीहरुको संख्या अहिले गनेर सकिँदैन।
Indhan Thori 8
मधेस क्षेत्रको पर्सा जिल्लामा परे पनि ठोरीमा पहाडी समुदायको बसोबास छ। त्यसैले यहाँ मधेस आन्दोलनको कुनै प्रभाव छैन। रोकतोक नहुने हुँदा काठमाडौं, पोखराका बासिन्दासमेत गाडी लिएर इन्धन लिन ठोरी पुगेका भेटिन्छन्। ठोरीबाट वैधानिक रुपमा आउने होइन इन्धन। भारतीय क्षेत्रबाट नेपालसम्म ल्याइ दिने स्थानीय व्यापारीमार्फत अवैधानिक रुपमा किन्ने गरिन्छ पेट्रोल, डिजेल र ग्यास ।
Indhan Thori 5
साना पिकअप भ्यान, ठुला ट्रक, जीप र यात्रु बसलेसमेत ओसार्छन् इन्धन । मोटरसाइकलको ताँती लागेको हुन्छ। एउटा मोटरसाइकलले चारवटा जर्मिनमा तेल बोकेको देखिन्छ। गाडीहरुले प्लाष्टिकका ठूला ड्रममा इन्धन ओसार्ने गर्छन्। एउटा ड्रममा दुई सय लिटर अट्छ। एउटा सानो पिकअप भ्यानले कम्तिमा पाँच वटासम्म ड्रम बोक्छ।
Indhan Thoti 1
साना पिकअप भ्यान मात्रै होइन ठुला ट्रक र ट्रिपरसमेत इन्धन लिन ठोरीमा पुगेका देखिन्छन्। पाँचवटा ड्रम बोक्ने पिकअप भ्यान दिनमा सयवटा मात्रै गए पनि किम्तमा एक लाख लिटर इन्धन ठोरी नाकाबाट आउने अनुमान छ। अरु ठुला ट्रक, यात्रु बस र मोटरसाइकलमा आउने इन्धनको समेत हिसाब लगाउने हो भने यो नाकाबाट दैनिक दुई लाख लिटरसम्म इन्धन आउने अनुमान छ।

ठोरी भरतपुर सडक निकै पुरानो हुलाकी मार्ग हो। ठोरी हुँदै भारत कलकत्तासम्म पुगेर व्यपार गर्ने क्रम विरगञ्जमा नाका खुलेपछि रोकिएको हो। ठोरीमा अहिले दुई कोठे छोटी भन्सार कार्यालय रहे पनि कुनै राम्रो पुर्वाधार छैन । ठोरीसम्म पुग्ने बाटो पनि साह्रै अफ्ठेयारो छ। चितवन निकुञ्जको ३० किलो मिटर जंगल छिचोल्नु पर्छ। बगइदेखि अमुवासम्मको २० किलोे मिटर बाटो निकै कष्टकर छ।
Indhan Thori 6
खोलै खोला र जंगली जनावरको त्रास रहेने बाटोमा पनि इन्धनका लागि मान्छेहरु ह्वारह्वारती ठोरी जाने गरेका छन्। मोटरसाइकल पल्टेर इनधन पोखिने घटनाहरु पनि हुने गरेका छन्। माडी वसन्तपुरमा केही दिनअघि एउटा मोटरसाइकल पल्टदा आगो सल्केको थियो। नजिकै पोखरी भएका कारण तत्कालै आगो नियन्त्रणमा लिन सम्भव भएको स्थानीयले बताए ।
Indhan Thori 4
केही ठूला ट्रकहरुले त्रिपालले ढाकेर इन्धका ड्रम लुकाएको पनि देखिन्छ। नभए खुलम खुल्ला आउने गर्छ इन्धन। ठोरी पुग्नुअघि कसरा र बनकट्टामा चितवन निकुञ्जको सुरक्षाका लागि बसेको नेपाली सेनाको चेक पोष्ट पनि छ। बनकट्टा चेकपोष्ट कटेपछि करिब २५ किलो मिटर माडी पार भएसँगै जंगल सुरु हुन्छ । माडीपछि बगइ र अमुवामा पनि चेक पोष्ट छ । तर सेनाले देख नदेखे झै गरेका छन्।

No comments:

Post a Comment