भारत घोषित नाकाबन्दीकै तयारीमा

वीरगन्ज १३ मसिर दुई महिनादेखि अघोषित रुपमा नाकाबन्दी गरेर आपूर्ति रोकेको छिमेकी भारतले नेपालमाथि घोषित रुपमै नाकाबन्दी लगाउने तयारी गरेको छ । यस विषयमा हिजो भारतीय विदेश मन्त्रालयको साउथ ब्लकमा भारतीय विदेश सचिव एस जयशंकर, नेपाल डेस्क प्रमुख अभय ठाकुरसहितका अधिकारीहरुवीच यस विषयमा छलफल भएको छ । छलफलमा नेपालमा आपूर्ति नरोक्दा समेत नेपालले अघोषित नाकाबन्दी भनेर अन्तर्राष्ट्रिय जगतमा भारतको साख र प्रतिष्ठामा हानी पुर्याएको निष्कर्स निकालिएको थियो । यस्तो अवस्थामा यसै भएन त्यसै भएन जस्तै एक पटक घोषित रुपमै नाकाबन्दी लगाएर के हुँदो रहेछ हेर्नु पर्नेमा अधिकारीहरुले धारणा राखेका थिए । नेपालमा नाकाबन्दीको विरोधमा भारतसँगै विश्वभरी जनमत बन्दै गएको बेला भारतको विदेश मन्त्रालयमा यस्तो छलफल सुरु भएको हो । ब्यूरोक्रेसी तहमा घोषित नाकाबन्दीको विषयमा छलफल भए पनि यो प्रस्ताव अहिलेसम्म राजनीतिक तहमा भने पुगेको छैन ।