बिरालोलाई मेयर बनाउन किन चाहन्छन् यो सहरका जनता ?

के कुनै बिरालो सहरको मेयर बन्न सक्ला ? आखिर जनता जनार्दनले चाह्यो भने नहुने कुरा केही छैन । यस्तै भएको छ रुसको साइबेरियामा । भ्रष्टाचार तथा नातावादबाट आजित भएका साइबेरियास्थित बनौल सहरका जनताहरुले बिरालोलाई मेयर पदमा भारी बहुमतका साथ निर्वाचित गरेका छन् । स्थानीय लोकप्रिय सोसल मिडिया वेबसाइटमा गरिएको एक मत सर्भेक्षणका क्रममा जनताको यस्तो चाहना प्रकट भएको छ । त्यसमा मानिसहरुले आफहरु नेताहरुको स्वार्थी प्रवृत्तिका कारण दिक्क भएको र अब बिरालोलाई मेयर बनाउन चाहेको कुरामा सहमती जनाएका छन् । ५४ सय मानिसहरुमा मत सर्भेक्षण गरिएकोमा ९१ प्रतिशतले एउटा स्कटिस फोल्ड प्रजातिको बिरालोलाई मेयर पदमा भोट दिएका छन् ।