काठमाडौंमा फेरि भूकम्पको धक्का

काठमाडौंः बुधबार दिउँसो काठमाडौं उपत्यकामा भूकम्पको धक्का महसुस भएको छ । राष्ट्रिय भूकम्प मापन केन्द्रका अनुसार गोरखाको ताप्लेलाई केन्द्रबिन्दु बनाएर ४.५ म्याग्निच्यूडको भूकम्पको धक्का महसुस भएको हो । मापन केन्द्रका अनुसार यो धक्का २०७२ वैशाखको शक्तिशाली भूकम्पको परकम्प हो । बुधबार बिहान पनि धादिङलाई केन्द्रबिन्दु बनाउँदै ४.४ म्याग्निच्यूडको परकम्प गएको थियो ।