मोर्चाका कार्यकर्ताले ढु‌ंगामुढा गरेपछि बेलहिया नाका तनावग्रस्त

काठमाडौं : मधेसी मोर्चाका कार्यकर्ताहरु भारतीय भूमिबाट आएर भैरहवास्थित बेलहिया नाकामा धर्ना बसेपछि स्थिति तनावग्रस्त भएको छ । नेपाली नाका थुन्न भारतीय सुरक्षाकर्मीको आडमा भारतकै भूमिबाट धर्नामा बसेका मोर्चाका कार्यकर्ताले नेपाली सुरक्षाकर्मीमाथि ढुंगामुढा गरेपछि स्थिति तनावग्रस्त भएको हो । भारतीय भूमिबाट ढुंगामुढा भएपछि नेपाली सुरक्षाकर्मीले प्रतिकार गर्दा झडप भएको हो । बिहानैबाट सुचारु भएर मालवाहक गाडी आइरहेका बेला मोर्चाका कार्यकर्ता ढुंगामुढा गरेपछि बेलहिया नाका फेरि ठप्प भएको छ । भारतले नाकाबन्दी खोले पनि भारतीय सुरक्षाकर्मीकै आडमा मोर्चाका कार्यकर्ता भारतीय भूमिबाटै आएर धर्नामा बस्न थालेपछि बेलहिया नाका दैनिकजसो तनावग्रस्त हुन थालेको छ ।