नाकाबन्दीयता नेपालगन्ज नाकाबाट सबैभन्दा धेरै गाडी भित्रिए

नेपालगन्ज : भारतले अघोषित नाकाबन्दी गरेयता नेपालगन्ज-रुपैडिया नाकाबाट बिहीबार सवैभन्दा धेरै इन्धन र मालबाहक गाडी नेपाल भित्रिएका छन् । बिहीबार दिउँसो साढे २ बजेसम्म नेपालगन्ज नाकाबाट ३४ वटा इन्धनका गाडी भित्रिएका छन् । हालसम्म डिजल १९, पेट्रोल ५, हवाई इन्धन ३ र खाना पकाउने ७ बुलेट ग्यास भित्रिएको इलाका प्रहरी कार्यालय जुमनाहाका इन्चार्ज प्रहरी नायव निरीक्षक बिष्णु गिरीले बताए । जमुानहा हालसम्म १ सय ६१ भन्दा बढी मालवाहक गाडी नेपाल भित्रिएको जमुनहा प्रहरीले जनाएको छ । राति ११ बजेपछि मधेसी मोर्चाका कुनै कार्यकर्ता दशगजामा नदेखिएको गिरीले बताए । भारतीय सशस्त्र सुरक्षा बल (एसएसवी) ले पनि अन्य दिनको तुलनामा मालवाहक गाडी नेपाल पठाउन सहयोग गरिरहेको इन्चार्ज गिरीले जानकारी दिए । मधेसी मोर्चाका कार्यकर्ता सीमा बजार रुपैडियामा भएपनि नाकामा कुनै अवरोध नगरेको प्रहरीले जनाएको छ । अहिले पनि मालवाहक र इन्धनका गाडी नेपाल आउने क्रम जारी छ ।