अब साइकलमै वासिङ मेसिन : व्यायामसँगै कपडा धुनुहोस्

वेइजिङ – चीनको डेलियन राष्ट्रिय विश्वविद्यालयका विद्यार्थीहरुले साइकलमै वासिङ मेसिन फिट गर्ने नयाँ काइदा निकालेका छन् । उनीहरुका अनुसार यो प्रविधीको विकासपछि साइकल कुदाउदा कुदाउँदै कपडा सफा हुने बताएका छन् । उनीहरुले साइकलमै यस्तो प्रविधिको विकास गर्दै यसलाई बिडब्ल्यूएम अर्थात वाइक वासिङ मेशिनको नाम दिने भएका छन् । ‘साइकल कुदाउनु अभ्यासका लागि राम्रो हो । त्यस्तै कपडा धुनु पनि मानिसको दैनिक वा कम्तिमा पनि सातामा एकपटकको काम पर्छ । त्यसैले दुबैलाई जोडेर हामीले एकैपटक संभव हुनेगरी एउटै प्रविधि विकास गरेका हौ ।’ यो प्रविधिको निमार्णमा लागेका विद्यार्थीहरुले छन् । साइकल कुदाउँदै गर्दा घर्षणका कारण त्यसमा जडान गरिएको सिलिन्डर तात्ने र त्यसैले वासिङ मेसिनलाई घुमाउने निर्माताहरुले बताएका छन् । यसअघि नै स्लोभाकियामा बारबोरा टोबोलोभाले यस्तो प्रविधि विकास गरेका थिए । अहिले यसको अवधारणा अघि सरेपनि यस्तो प्रविधिको विकास भने भएको छैन् । यसलाई छिट्टै मूर्तरुप दिनेमा चिनियाँ विद्यार्थीहरु छन् ।