प्रेमीबाट खोसेर सामूहिक बलात्कार

बिपी कोइराला स्वास्थ्थ विज्ञान प्रतिष्ठान परिसरमा सोमबार राति १५ वर्षीया एक किशोरीमाथि सामूहिक बलात्कार भएको छ । नयाँ पत्रिका दैनिकमा समाचार छ । सात आठ जनाको समूहमा आएका युवाले प्रेमीसँग रहेकी उनलाई खोसेर बलात्कार गरेका हुन् । प्रतिष्ठान परिसरको पश्चिमतर्फको चौरमा साथीसँग बसिरहेकी धरान १७ की ती किशोरीलाई समूहले नियन्त्रणमा लिएर बलात्कार गरेको धरान प्रहरीले जनाएको छ । मादक पदार्थ सेवन गरेका युवाहरुको समूहले ती किशोरीको प्रेमीलाई पनि निर्धाट कुटपीट गरेका थिए ।