सिन्धुपाल्चोक केन्द्र भएको अर्को परकम्प

बुधबार दिउँसो १ बजेर ३६ मिनेटमा सिन्धुपाल्चोक केन्द्र भएको ४.३ म्याग्नीच्युडको परकम्प गएको छ। खानी तथा भूगर्व विभाग अन्तर्गतको राष्ट्रिय भूकम्प मापन केन्द्रका अनुसार बैशाख १२को गोरखा भूकम्पको परकम्प जाने क्रम अझै जारी रहेको छ। पछिल्लो परकम्पको केन्द्रबिन्दु सिन्धुपाल्चोकको नवलपुर नजिकै रहेको केन्द्रले जनाएको छ। यसअघि बुधबार बिहान २ बजेर ५० मिनेटमा सिन्धुपाल्चोकमै केन्द्र भएको ४.१ म्याग्नीच्युडको परकम्प गएको थियो। सोमबार र मंगलबार भने ४ म्याग्नीच्युड माथिको कुनै परकम्प नगएको केन्द्रले जनाएको छ।